 |
|
|
|
آخر 10 مشاركات
|
| |||||||
| ديوان الشاعر سالم بن مقبول الشراري ديوان يجمع جميع اشعار وقصائد الشاعر سالم بن مقبول الشراري |
 |
|
|
أدوات الموضوع | انواع عرض الموضوع |
10-04-2018, 10:46 PM
|
#1 | |
|
شاعر
|
يصوغ الجزايل راعي الفكر والمنوال
يصوغ الجزايل .. راعي الفكر والمنوال تجيــه وتسطّـر له .. على روعـة اسلوبه تحت سيطرة فكره تدفق .. كما الشلال ينابيع من فيضه .. تجي زل مسكــوبه على العِّـد ياروّاي خـذ لك حروف جزال خذ علوم تشرح صدر من ضاقت دروبه ترى خير ماتقـرا .. "كتاب الله" الفعّـال علاج الصدور اللي من الضيق منكـوبه على الله لامن ضقت في كل حال وحـال توكـل على اللـي .. ماتقَـفّـل أبـد : بـوبه مع الذكر ، والغفران ، والسبحنه : آمال ولا خـاب .. من نـوّخ ركـابه ، و مطلــوبه وصلاة وقيام الليل .. مردودها وان طال منار الوجـوه .. اللي من الهـمّ مشحـوبه واذا صدّعك راسك من القيـل والا القـال فسـج القدم .. وابعـد عن النمّ ، وشعوبه تخـيّر بهـذا الوقـت .. للمعضـلة : رجَّـال صديقٍ ، صدوقٍ ، وافي العهد ، وطيوبه على سنة "محمد" .. يصافيك مايحتـال تلاقيــه .. وتعـرفـه .. بطبـعـه ، وأسلـوبه بوقتٍ كثر به .. عابد القرش ، وعبد ريال معاه العمر ضايع .. والاوقات مسلـوبه واذا مالقيت الصاحب اللي يسر الحـال تغافل .. وعش وضعك .. والايام منهـوبه فعش حالتك واخلص مع الله ولا تختال ولاتنهـك بخلوتـْـك ..حُرمٰات مغـضـوبه ومهما .. تحاول .. تزرع الطيب بالأنذال خسـاره .. ومردودك .. مجاحيـد وعقـوبه لذا إعتزل واهجر ديَرْهم .. وتلقى الفـال وكنسـل عليـهم .. باقي العمر ، وذهـوبه دروب الرجـوله ، ماتجيـلك .. بكبر ازوال اذا ماتِّقـىٰ ربـه .. والايـمـان هـو : ثـوبه بالاخلاق : تكسب نايفات العـلا وامثـال بالاخلاق : تمسي كل الاشيـاء مرغــوبه على الصمت خلك لاغدى بالجلوس جدال ترى السو مسموعه .. والالفاظ محسوبه اقولـه ، وليّـه بالتجـارب : صـدى وأهـوال وفي صـدري المـجـروح .. دولات منكـوبه تشـادي لأرض القدس والحـلم والاطـلال وأرض الربيــع اللي .. للاعــداء منهــوبه على نيـتي يارب .. ضاعف لي : الامـال وعسى الله يجنبـني .. هل الحقد ودروبه عسى الله يباركنا .. بالاقوال ، والأعمـال ويقسم لنا الحسـنى .. وقبل الأجـل توبه .. #سالم_مقبول 2016
|
|
|
|
|
16-04-2018, 09:38 PM
|
#2 | |
|
مراقبة الاشراف ومنتديات طبرجل
  
|
رد: يصوغ الجزايل راعي الفكر والمنوال
صح بوووحك وسلمت رووحك شاعرنا
ابيات جزله من صاحب جزاله الله يعطيك العافيـه وعسـآك عالقــوه دام تواجدك عطرآ لصفحـات المنتدى.. |
|
|
|
17-04-2018, 10:44 AM
|
#3 | |
|
شاعر
|
رد: يصوغ الجزايل راعي الفكر والمنوال
النور نورك يالعذبه والله يعافيك ويسعدك
ويسعد كل من في هذا المنتدى الغالي صح بدنك والف شكر لسموك تقديري لك |
|
|
|
|
| مواقع النشر (المفضلة) |
| الكلمات الدلالية (Tags) |
| الجزايل, الفكر, يصنع, راعي, والمنوال |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ثانوية خالد بن الوليد والتحذير من الفكر المنحرف | ثانوية خالد | تعليم طبرجل | 3 | 22-10-2015 11:10 AM |
| وظائف شاغرة بشركة الفكر الأمثل للمصاعد لرجال فقط | زيدووون | اخبار الوظائف الشاغرة ــ نتائج المقبولين ــ اسماء المقبولين | 10 | 04-10-2012 08:30 PM |
| عبقرية الفكر رسم الشخص باسمه فعلا عبقري | مجهول2012 | منتدى طبرجل للصور والكاركتير | 10 | 02-05-2012 01:51 PM |
| سؤال: هل الإنسان يصنع اسماً أم الاسم يصنع الإنسان؟ | عذبه بكل المعاني | طبرجل ( للمواضيع العامه ) | 10 | 01-12-2011 05:06 PM |
العرض العادي
